Almatydaǵy kókónis dúkeninde er adam oq atty

ALMATY. KAZINFORM – Almatyda qarýlanǵan er adam kókónis dúkenine kirip, atys shyǵardy.

Áleýmettik jelige shyqqan vıdeodan belgisiz bireýdiń kókónis dúkeninde qarýdan atys shyǵarǵany, saldarynan bir er adamnyń jaralanǵanyn kórýge bolady.

Jelide taraǵan basqa aqparatta oqıǵa ótken jyldyń jeltoqsan aıynda «Sholpan city» turǵyn úı kesheninde bolǵany jazylǵan.  

Almaty qalasynyń polıtsııa departamenti buzaqylyq faktisi boıynsha qozǵalǵan qylmystyq is kelesi kúni Tergeý basqarmasymen alǵashqy tergeý is-sharalarynyń derekteri negizinde kisi óltirýge oqtalý boıynsha qaıta daıarlanǵanyn habarlady.

«Kúdikti ustalyp, qamaýǵa alyndy. Zattaı dálel tárkilendi. Tıisti saraptamalar taǵaıyndaldy. Tergeý barysy polıtsııa departamenti basshylyǵynyń baqylaýynda», - dep habarlady Almaty qalalyq polıtsııa departamentiniń baspasóz qyzmeti.