Almatyda qoqystan áıeldiń bólshektelgen denesi tabyldy

ALMATY. KAZINFORM – Almaty polıtsııasy kisi óltirý deregi boıynsha er adamdy ustady.

Áleýmettik jelide Almatydaǵy qatty qaldyqtardy óńdeý zaýytynda áıeldiń bólshektelgen denesi tabylǵany týraly aqparat tarady. 

Almaty qalasynyń Polıtsııa departamenti bul derekti rastady. Aldyn ala málimet boıynsha, er adam ózimen birge ishimdik iship otyrǵan áıelmen janjaldasyp, ony óltirip tastaǵan.

- Túrksib aýdandyq polıtsııa basqarmasyna qarasty polıtsııa bólimi kisi óltirý deregi boıynsha qylmystyq is qozǵady. Kúdikti ustaldy jáne ýaqytsha ustaý ızolıatoryna qamaldy. Basqa da mán-jaılar anyqtalyp jatyr, - dep habarlady departamentten.

Eske salaıyq, dál osyndaı oqıǵa qańtar aıynda bolǵan edi.