Almatyda qoǵamdyq oryndardy lastaǵany úshin 6 myń adam aıyppul arqalady
ALMATY. KAZINFORM — Almatyda ekologııalyq mádenıetti qalyptastyrýǵa baǵyttalǵan «Taza Qazaqstan» naýqany júrip jatyr.
Almaty qalasy polıtsııa departamentiniń málimetinshe, jyl basynan beri megapolıstiń 19 tabıǵatty qorǵaý beketinde avtokólikter tarapynan ekologııa talaptardy buzýdyń 12 myńnan astam deregi anyqtalǵan.
— Ekologııalyq qaýipsizdik — azamattarymyzdyń densaýlyǵyna jáne shahardyń taza aýasyna qosylǵan naqty úles. Tártip buzýshylar qorshaǵan ortany lastaý jaýapkershilik ekenin túsinýi kerek. Ekologııalyq beketterdiń arqasynda biz tek anyqtap qana qoımaı, zııandy saldardyń aldyn alamyz, — dedi jergilikti polıtsııa qyzmeti basqarmasynyń bastyǵy Serik Shýmaev.
Tártip saqshylary júk jáne qurylys tehnıkalaryna, sondaı-aq artynan las iz qaldyratyn kólikterge nazar aýdaryp otyr.
Sonymen qatar bıyl Almatyda abattandyrý erejelerin buzǵany úshin 15 myńnan astam hattama toltyrylsa, al qoǵamdyq oryndardy lastaǵany úshin 6 myńnan astam hattama rásimdelgen.
Eske salaıyq, buǵan deıin Almatyda 6 avtobýs marshrýty ýaqytsha ózgeretinin jazǵanbyz.