Almatyda qoǵamdyq oryndardy lastaǵan 8 myń turǵyn jaýapqa tartyldy
ALMATY. KAZINFORM – Almatyda qoǵamdyq oryndardy lastaǵan 8 myń turǵyn jaýapqa tartyldy.
Almaty qalasy polıtsııa departamenti ruqsat etilmegen jerge qoqys tastaý, kommýnaldyq múlikti búldirý, aýlalar men kireberisterdi lastaý sekildi usaq quqyq buzýshylyqtar turǵyndardyń ómir sapasyna jáne qaladaǵy jalpy quqyqtyq tártip deńgeıine tikeleı áser etetinin habarlady.
— Usaq quqyq buzýshylyqtardyń ózi adamdarda jaýapsyzdyq sezimin qalyptastyryp, ýaqyt óte kele anaǵurlym aýyr zań buzýshylyqtarǵa ákelýi múmkin. Zańnamada ortaq paıdalaný oryndaryn lastaǵany úshin 10-nan 20 AEK-ke deıin aıyppul nemese qoǵamdyq jumystarǵa tartý kózdelgen, — dedi Almaty polıtsııasy Qoǵamdyq qaýipsizdik basqarmasynyń bastyǵy Ashat Qulbaev.
Jyl basynan beri tártip saqshylary Almatyda 8 myńnan astam qoqys tastaý men qoǵamdyq tártipti buzý derekterin anyqtaǵan. Polıtsııa departamenti osyndaı sátterdiń toptamasyn beınejazba retinde jarııalady.
Eske salaıyq, buǵan deıin Almatyda qoǵamdyq oryndardy lastaǵany úshin 6 myń adam aıyppul arqalaǵanyn jazǵanbyz.