Almatyda qoǵamdyq kóliktiń shetki aıaldamalarynda demalys bólmesi salynady
ALMATY. KAZINFORM – Almatyda avtobýs júrgizýshilerine arnalǵan demalys bólmesi bar 20 sońǵy aıaldama salynady.
Almaty ákimdiginiń málimetinshe, megapolıste qoǵamdyq kólik júrgizýshilerine qolaıly eńbek jaǵdaıyn jasaý úshin 20 toqtaý-burylý alańyn salý josparlanyp otyr. Mundaı alańdar avtobýstardyń jol jıeginde májbúrli túrde toqtap turýynyń aldyn alady.
Odan bólek júrgizýshilerdiń tolyqqandy demalýyna qajetti jaǵdaı jasaıdy.
– Qazir «Kóktóbe» shaǵyn aýdanynda eki marshrýtqa qyzmet kórsetetin, jalpy sany 47 avtobýs shyǵatyn sońǵy núkte retinde paıdalanylatyn toqtaý-burylý alańynyń qurylysy tolyq aıaqtaldy. Alań aýmaǵyna asfaltbeton jabyny tóselip, aýmaq boıyna syrtqy jaryqtandyrý ornatylǵan. Sonymen qatar jalpy aýmaǵy 49 sharshy metr bolatyn tamaqtaný aımaǵy men sanıtarlyq-gıgıenalyq bólmesi bar júrgizýshilerge arnalǵan modýldik demalys ǵımaraty boı kóteredi, - dep habarlady ákimdikten.
Sondaı-aq qalanyń basqa aýdandarynda bıyl paıdalanýǵa beriletin taǵy úsh toqtaý-burylý alańynyń qurylysy júrgizilip jatyr. Al qalǵan 16 alań boıynsha jobalyq-smetalyq qujattama ázirlenip jatyr.
Eske salaıyq, búgin Almatyda jańa avtobýs baǵyty iske qosyldy.