Almatyda qoǵamdyq kóliktiń ortasha «jasy» — 2,5 jyl

ALMATY. KAZINFORM — Almatyda qalalyq máslıhattyń kezekti XXX sessııasy ótti. Onda 2024 jylǵy Almaty qalasynyń bıýdjetin atqarý máseleleri talqylandy.

Almaty qalasy Qarjy basqarmasynyń basshysy Qanat Sýhambekov óz baıandamasynda kólik salasyna bólingen qarjynyń 97,9%-y nemese 257,9 mlrd teńge ıgerilgenin aıtty. Onyń sózinshe, jalpy bıýdjettiń 15,6%-y osy salaǵa tıesili. Kólik salasyna bólingen qarajat esebinen byltyr avtopark 600 avtobýs jáne 100 elektr-avtobýspen tolyqqan. Sonymen qatar trolleıbýs parki tolyq jańartylyp, 112 jańa trolleıbýs satyp alynǵan.

— Qoǵamdyq kóliktiń ortasha jasy 5 jyldan 2,5 jylǵa deıin qysqardy. 2025 jyly bul kórsetkishti 2 jylǵa deıin tómendetý josparlanyp otyr, — dedi ol.

Sonymen qatar Qarjy basqarmasynyń basshysy ótken jyly 25 km jańa jol salynǵanyn, 250 km jolǵa ortasha jóndeý jumystary júrgizilgenin atap ótti. Odan bólek qalada 30 km trotýar, velojol, aıaldama aldyndaǵy joldar jóndelgen.

Eske salaıyq, buǵan deıin Almatyda qaraýsyz qalǵan ǵımarattar qashan jóndeletinin jazǵanbyz.