Almatyda qoǵamdyq kólikter merekege saı bezendirildi
ALMATY. KAZINFORM — Almatyda Jańa jylǵa daıyndyq jalǵasyp jatyr.
Belgili nysandar men ǵımarattardy bezendirý, shaǵyn sáýlet pishinderin ornatý jáne shyrshalardy qoıýdan bólek, megapolıste qoǵamdyq kólikter de bezendirildi.
Qala kóshelerinde merekelik taqyrypta bezendirilgen 100 avtobýs pen 50 trolleıbýs júre bastady.
«Almatyelektrotrans» JShS avtoparki qala turǵyndary men jolaýshylar úshin merekelik kóńil-kúı men jaılylyq syılaýǵa tyrysqanyn atap ótti.
— Avtobýstar men trolleıbýstardy bezendirý – Almatydaǵy jańa jyldyq ortany jasaýǵa qosqan úlesimiz, — dedi kásiporyn basshysy Aleksandr Beısembıev.
Osyǵan deıin Almatyda Jańa jyl túni merekelik otshashý bolatyny týraly aıtqan bolatynbyz.
31 jeltoqsannan 1 qańtarǵa qaraǵan túni megapolıs turǵyndary men qonaqtary merekelik otshashýdy tamashalaı alady.
Aıta ketetin jaǵdaı, otshashý demeýshiler esebinen uıymdastyrylady.
Budan bólek, Almatyny jańajyldyq bezendirýge 800 mln teńge jumsalatyny týraly jazǵan edik.