Almatyda qoǵamdyq kólikte áıeldi urǵan er adam qamaýǵa alyndy

ALMATY. KAZINFORM — Almaty polıtsııasy qoǵamdyq kólikte áıeldi urǵan 66 jastaǵy jergilikti turǵyndy ustady.

«Buzaqylyq deregi boıynsha qylmystyq is qozǵaldy. Kúdikti ustalyp, ýaqytsha ustaý ızolıatoryna qamaldy. Sotqa deıingi tergeý jalǵasyp jatyr», — dedi Almaly aýdandyq PB-na qarasty polıtsııa bóliminiń bastyǵy Baturjan Ábdýmasarov.

Almaty qalalyq Polıtsııa departamenti zańdylyq pen tártipti qamtamasyz etý basty mindet bolyp qala beretinin atap ótti.

Buǵan deıin Almatyda er adam № 126 qoǵamdyq kólik ishinde telefonmen qatty sóıleskeni úshin áıelge judyryq jumsaǵany týraly jazǵan edik. 

Sondaı-aq, Almaty oblysynda balǵamen áıeliniń basyn jarǵan er adamnyń ustalǵanyn jazǵanbyz.