Almatyda qoǵamdyq kólik qatysqyn 400-den astam jol-kólik oqıǵasy boldy
ALMATY. KAZINFORM — Almatyda jolaýshylar tasymalynyń qaýipsizdigin qamtamasyz etý sharalary talqylandy.
Almaty qalasy polıtsııa departamentiniń málimetinshe, jyl basynan beri Almatyda qoǵamdyq kólikter qatysqan 460-tan astam jol-kólik oqıǵasy tirkelip, 600-den asa adam zardap shekken. Reıdtik is-sharalar barysynda avtobýs júrgizýshileri tarapynan 2 myńnan astam jol qozǵalysy erejesin buzý derekteri anyqtalǵan.
Avtopark basshylary qatysqan jıynda Ákimshilik polıtsııa basqarmasynyń bastyǵy Ashat Qulbaev qoǵamdyq kóliktiń tehnıkalyq jaǵdaıyn, ásirese qysqy maýsym aldynda qatań baqylaýda ustaý mańyzdy ekenin aıtty.
— Qoǵamdyq kólik qatysqan árbir jol apaty — bul jaı ǵana quqyq buzýshylyq emes, adamdardyń ómiri men densaýlyǵyna tikeleı qaýip. Sondyqtan jolaýshylardyń qaýipsizdigi — avtoparkter men baqylaýshy organdar úshin eń basty basymdyq bolýy tıis. Júrgizýshiniń tártibi men jaýapkershiligi tek qaýipsizdikke ǵana emes, sonymen qatar qala turǵyndarynyń qoǵamdyq kólikke degen senimine de tikeleı áser etedi, — dedi ol.
Eske salaıyq, buǵan deıin Almatyda avtobýs aıaldamaǵa soǵylyp, adamdy qaǵyp ketti.
