Almatyda qoǵamdyq keńestiń burynǵy múshesiniń isi sotqa joldandy

ALMATY. KAZINFORM — Er adamǵa alty jastaǵy balaǵa qol kóterdi dep aıyp taǵylyp otyr.

Oqıǵa jazdyń basynda bolǵan. Áleýmettik jelilerde meıramhanalardyń birindegi oıyn bólmesinde er adamnyń balany eki ret urǵan sáti túsirilgen vıdeo tarady. Buǵan onyń balasyna balalar oınap júrgen oıynshyq shardyń baıqaýsyzda tıip ketýi sebep bolǵan.

Zardap shekken balanyń anasy er adamnyń áreketi ulyna aýyr soqqy bolyp tıgenin aıtty.

Posmotret etý pýblıkatsııý v Instagram

Pýblıkatsııa ot zaschiti_rebenka (@mirumirkid)

Keıinirek kúdikti Almaty qalasy qoǵamdyq keńesiniń múshesi ekeni belgili boldy, alaıda kóp uzamaı ókilettigin toqtatty.

Polıtsııa departamenti tergeýdi Medeý aýdandyq polıtsııa basqarmasy júrgizgenin habarlady.

— QR QK 109-babynyń 2-bóliginiń 8-tarmaǵy (Uryp-soǵý) boıynsha biryńǵaı sotqa deıingi tergep-tekserýler tiziliminde tirkelgen qylmystyq is 2025 jylǵy 25 tamyzda QR QPK 528-baby tártibimen sotqa joldandy. Bul sheshim úsh býyndy model boıynsha aýdan prokýratýrasymen kelisildi, — delingen vedomstvonyń resmı jaýabynda.

Eske salaıyq, buǵan deıin jańa oqý jylynan bastap Qazaqstanda alǵash ret barlyq mektep men kolledjde balalar men jasóspirimder arasyndaǵy býllıng oqıǵalaryn azaıtýǵa baǵyttalǵan otandyq «DosbolLIKE» profılaktıkalyq baǵdarlamasy engiziletinin jazǵan edik.