Almatyda qyzylsha órship tur: Infektsııalyq aýrýhanalar naýqasqa toldy

Almatyda qyzylsha juqtyrǵandar sany artyp, ınfektsııalyq aýrýhanalar naýqasqa tolǵan, dep habarlaıdy Kazinform.

Qalalyq qoǵamdyq densaýlyq saqtaý basqarmasynan málim etkendeı, megapolıstegi ınfektsııalyq statsıonarlar qyzylsha aýrýynyń órshýine baılanysty 90,3 paıyzǵa toldy.

«Qalalyq balalar klınıkalyq juqpaly aýrýlar aýrýhanasynda qyzylshamen aýyratyn balalardy emdeýge arnalǵan 280 tósek-orny bar jeti bólimshe (onyń ishinde 12 tósek reanımatsııa bólimshesinde) ornalastyrylǵan. Saıaly fılıalyndaǵy bir bólimshe, Baızaqov kóshesindegi statsıonarda jáne Aport fılıalynda úsh bólimsheden bar. Rezervke 40 tósek daıyndalǵan»,- dep habarlady vedomstvodan.

S. Jekenova atyndaǵy qalalyq klınıkalyq juqpaly aýrýlar aýrýhanasyna da 120 qosymsha tósek qoıyldy, onyń ishinde 108 kereýet bos emes.

Basqarma ókilderi, qalada qyzylsha boıynsha epıdemıologııalyq jaǵdaı nasharlaıtyn bolsa, memlekettik klınıkalyq aýrýhananyń fılıaldarynda qosymsha tósek oryndary ashylatynyn atap ótti.

Jalpy qazan aıynda el ishinde qyzylshanyń órshýi baıqalǵan.

Qazir bul ınfektsııany 14 myńnan asa adam juqtyrǵany belgili.