Almatyda Qytaıdyń Changan, Chery, Haval markaly avtokólikteri shyǵaryla bastaıdy
Almatyda eki jańa avtozaýytty iske qosý josparlanǵan. Bul týraly Almaty qalasynyń kásipkerlik jáne ınvestıtsııalar basqarmasy málimdedi, dep habarlaıdy Kazinform.
Vedomstvonyń málimetinshe, Almatyda keminde 220 myń avtoóndirisi bar avtoklasterdi qalyptastyrý sheńberinde jobalyq qýaty 170 myń avtomobılge deıingi 2 jańa avtozaýytty iske qosý josparlanyp otyr. Joba aıasynda qytaılyq Changan, Chery, Haval brendteriniń mýltıbrendtik zaýyty jylyna 90 myń avto jáne Orbis Manufacturing zaýyty jylyna 80 myń avto qurastyrmaq.
Sondaı-aq Almatyda ekonomıkany sapaly damytý maqsatynda jyl saıyn 10% deńgeıdegi ósimmen ınvestıtsııa tartý josparlanyp otyr. Bul rette ınvestıtsııa kólemi 2024 jyly 1,8 trln teńge, 2025 jyly 2,1 trln teńgege jetpek.
Sonymen qatar Almaty qalasynyń ındýstrııalyq aımaǵyn 194 gektarǵa keńeıtý 2025-2026 jyldary 230 mlrd teńge somasyna qosymsha 7 iri jobany iske asyrýǵa múmkindik beredi.
«Osy sharalardyń arqasynda qala ekonomıkasynyń ósýi 2024 jyly 5,5% deńgeıinde, 2025 jyly 6,5%-ǵa deıin ósýin jedeldete túsedi dep kútiledi», - dep habarlady qalalyq kásipkerlik jáne ınvestıtsııalar basqarmasynda.
