Almatyda Qytaı men Ózbekstanda daýly vıdeo túsirgen blogerge qatysty is qozǵaldy
ALMATY. KAZINFORM — Qazaqstandyq bloger Qytaı men Ózbekstanda prank vıdeolar túsirgen.
Bloger qyz qoǵamdyq oryndarynda beıtanys jigitterdiń aıaq-qolynan ustap, óz áreketin vıdeoǵa túsirgen. Qytaıda túsirilgen prankten keıin Almaty polıtsııasy blogermen profılaktıkalyq áńgime júrgizdi.
Degenmen, biraz ýaqyttan keıin ol Ózbekstanda dál osyndaı sıpatta túsirilgen beınejazbalaryn qaıta jarııalady. Almaty qalasynyń polıtsııa departamenti blogerdiń bul áreketine qatysty tekserý júrgizip jatqanyn habarlady.
— A. esimdi azamatsha Ózbekstan metrosynda óz is-áreketin beınejazbaǵa túsirip, jolaýshylarǵa ádeıi tıisken jáne sol jazbany jeke paraqshalarynda jarııalaǵan. Usaq buzaqylyq jasaǵany úshin oǵan qatysty ákimshilik is qozǵaldy. Іs sheshim shyǵarý úshin sotqa jiberildi. Atalǵan azamatsha buǵan deıin de osyndaı áreketterge jol bergen, sol kezde onymen profılaktıkalyq áńgime júrgizilgen bolatyn. Alaıda ol tıisti qorytyndy shyǵarmaǵany baıqalady, — dep habarlady polıtsııadan.
Eske salaıyq, buǵan deıin Almatyda mylqaý taksı júrgizýshisine qurmetsizdik tanytqan bloger polıtsııaǵa jetkizildi.