Almatyda Qytaı men Qazaqstannyń mádenıet jármeńkesi ótti
ALMATY. KAZINFORM — Іs-shara Abaı alańynda ótti. Jármeńke qonaqtary eki eldiń baı mádenı murasymen tanysty.
Shara Qytaıdyń Sıan qalasynan kelgen delegatsııanyń sapary jáne ІІ «Ortalyq Azııa – Qytaı» sammıti aıasynda uıymdastyryldy.
Kelýshiler Qazaqstan men Qytaıdyń mádenı murasymen tanysýdyń biregeı múmkindigine ıe boldy. Onda dástúrli mýzykalyq aspaptar, jandy mýzyka men bı, sondaı-aq barlyq jastaǵy adamǵa arnalǵan ınteraktıvti alańdar usynyldy.
Aıta keteıik, delegatsııa qonaqtaryn sımpozıýmdar, iskerlik kelissózder jáne Qazaqstannyń ońtústik astanasynyń negizgi kórikti jerlerine ekskýrsııalar kútip tur.
Eske salaıyq, buǵan deıin Almatyǵa Qytaıdyń Sıan qalasynan týrıstik poıyz kelgen bolatyn.
Týrıstik delegatsııa quramynda 246 adam bar. Olardyń qatarynda kásipkerler, ǵalymdar, mádenıet pen sport salasynyń tanymal ókilderi bar. Qytaılyq qonaqtar bes kún boıy elimizdiń ońtústik astanasynyń tarıhı-mádenı erekshelikterimen tanysyp, túrli sharaǵa qatysady.