Almatyda qysqy kezeńde velojoldardyń qorshaýy alynady
ALMATY. KAZINFORM — 3 qarashadan bastap Almatyda velojolaq boıynda ornatylǵan sıgnaldyq qorshaýlardy alý jumystary bastaldy.
Almaty ákimdiginiń málimetinshe, bul qalanyń kóshe-jol jelisin qys mezgiline daıyndaý jumystary aıasynda qolǵa alyndy.
— Ýaqytsha qorshaýlardy alyp tastaý kommýnaldyq qyzmettiń qar men muzdy der kezinde tazalaýyna, jol boıynda qar úıindileriniń paıda bolýyna jol bermeýge jáne jol qozǵalysyna qatysýshylardyń qaýipsizdigin arttyrýǵa múmkindik beredi, — dep habarlady ákimdikten.
Qala kóshelerinde atalǵan qorshaýlar alynǵanymen, velojolaqtardyń ózi saqtalyp, qaýipsizdik talaptaryna saı jumysyn jalǵastyra bermek.
— Kólik júrgizýshilerine jol qozǵalysy erejelerin jáne jol belgilerin qatań saqtaý qajettigi eskertiledi. Jumys qysqa merzimde aıaqtalyp, qala joldarynyń qysqy ýaqytta qaýipsiz ári jaıly bolýyn qamtamasyz etedi, — delingen ákimdik málimdemesinde.
Eske salaıyq, buǵan deıin Almatynyń basty kósheleriniń birinde jańa velojol salynatynyn jazǵanbyz.