Almatyda qyrkúıekke deıin taǵy bir kóshe jabylady

ALMATY. KAZINFORM — Almatyda Dýnaevskıı kóshesindegi ýchaskede kólik qozǵalysy shekteledi.

«Almaty jylý jelileri» jaýaprkershiligi shekteýli seriktestiginiń málimetinshe, Dýnaevskıı kóshesimen ótetin 1,2 shaqyrymnan astam qubyr aýystyrylady.

Osyǵan baılanysty osy jyldyń 11 maýsymnan 15 qyrkúıekke deıin Dýnaevskıı kóshesiniń soltústik jaǵymen Jarokov kóshesinen batys baǵytta kólik qozǵalysy jabylady.

«Qozǵalys tek batys baǵytta jabylady. 11976 jyldan bastap paıdalanýǵa berilgen, atalǵan kósheniń júris bóliginiń astynan ótetin jalpy uzyndyǵy 1240 metr qubyrdy qaıta jańartý ýchaskesinde josparly jumystardy júrgizý qaýipsizdigin qamtamasyz etý úshin ýaqytsha shekteýler engiziledi. Bul qubyr 153 kóppáterli turǵyn úıdi, 7 jeke úıdi, 5 balabaqshany, 4 mektepti, 2 densaýlyq saqtaý obektisin jáne 15 ózge de obektilerdi jylýmen jáne ystyq sýmen qamtamasyz etedi. Atalǵan tutynýshylarǵa rekonstrýktsııa júrgizý kezeńinde ystyq sýmen jabdyqtaý saqtalady», — dep túsindirdi «Almaty jylý jelileri» JShS.

Buǵan deıin Almatyda Maqataev jáne Júrgenov kósheleriniń 3 aıǵa jabylatyny týraly jazǵan edik. 

Aıta keteıik, bıyl megapolıste uzyndyǵy 250 shaqyrym bolatyn 274 kóshege ortasha jóndeý jumystaryn júrgizý josparanǵan.