Almatyda qyrkúıek aıynan bastap kezekshi HQKO-lar aýysady

ALMATY. KAZINFORM – Almatyda qyrkúıek aıynan bastap eki kezekshi HQKO jáne eki mamandandyrylǵan HQKO jumys isteıdi. 

ХҚКО
Фото: Азаматтарға арналған үкімет

«Azamattarǵa arnalǵan úkimet» memlekettik korporatsııasy Almaty fılıalynyń málimetinshe, 2-qyrkúıekten bastap Serikov, 6A mekenjaıy boıynsha ornalasqan Jetisý aýdandyq halyqqa qyzmet kórsetý ortalyǵy jáne Markov kóshesi, 44 mekenjaıyndaǵy Medeý aýdandyq halyqqa qyzmet kórsetý ortalyǵy azamattardy jumys kúnderi 9:00 – 20:00 aralyǵynda, al senbi kúnderi 13:00-ge deıin qabyldaıdy.

Al kezekshi mamandandyrylǵan halyqqa qyzmet kórsetý ortalyqtary: «Saıaly» shaǵyn aýdany, Aqqaınar kóshesi, 1 jáne «Kemel» shaǵyn aýdany, Aqsýat kóshesi, 118 mekenjaıynda ornalasqan. Atalǵan ortalyqtar jumys kúnderi saǵat 9.00 – 20.00-ge deıin túski úzilissiz qyzmet alýshylardy qabyldaıdy. 

– Memlekettik qyzmet kórsetýge ótinish qabyldaý ýaqyty jumys kúnderi 18:00-ge deıin. Al senbi kúni 9:00-den 12:00-ge deıin ótinish qabyldap, 13.00-ge deıin daıyn qujattardy beredi, - dep habarlady Almaty fılıaly. 

Qalanyń qalǵan HQKO-lary ádettegi keste boıynsha dúısenbi men juma aralyǵynda 9:00-den 18:00-ge deıin jumys isteıdi. 

Eske salaıyq, buǵan deıin Almaty HQKO-larynda eń tanymal qyzmet túrleri qandaı ekenin jazǵanbyz.

Сейчас читают