Almatyda qırandy astynan adam izdeýge arnalǵan radar satyp alynbaq

ALMATY. KAZINFORM —Almatynyń qutqarý qyzmeti úıindi astynan adam izdeýge arnalǵan qurylǵy satyp almaq.

Almaty qalasy ákimi apparatynyń «Almaty qalasynyń avarııalyq-qutqarý jumystary qyzmeti» MKQK memlekettik satyp alý saıtynda 5 mıkrotolqyndy radar satyp alýǵa 53,5 mln teńgege lot jarııalandy.

Negizi qujatqa sáıkes qurylǵynyń bir danasy - 10,7 mln teńge turady.

Taýardyń sıpattamasynda qurylǵy úıindi astynda qalǵan adamdardy izdeýge arnalǵan.

Sondaı -aq Qutqarý qyzmetine árqaısysynyń quny 1,7 mln teńge bolatyn bes beıneendoskop («Tehnıkalyq endoskoppen basqarylatyn kamera») jáne jalpy somasy 43 mln teńgege topyraqty zertteýge arnalǵan bes qondyrǵy qajet.

Memlekettik satyp alýlar saıtynda barlyǵy 3 lot ornalastyrylǵan.

Baıqaýǵa qatysýǵa ótinimderdi aldyn ala qabyldaý 13-28 naýryz aralyǵynda júrgiziledi.