Almatyda qylmys deńgeıi 10 paıyzǵa tómendedi

ALMATY. KAZINFORM – Almatyda kámeletke tolmaǵandar jasaǵan qylmys sany 9,4%-ǵa azaıǵan.

Almaty qalasy Polıtsııa departamentiniń bastyǵy Arystanǵanı Zapparovtyń aıtýynsha, megapolıste qylmystyq ahýal turaqty. 

– 2024 jyly qalada qylmys sany 10,3%-ǵa tómendedi. Jeńil jáne ortasha aýyrlyqtaǵy qylmys sany – 22,9%, zorlaý – 11,1%, tonaý – 29,3%, bótenniń múlkin urlaý – 33,2%, kólik urlaý – 16,7%, sondaı-aq kámeletke tolmaǵandar jasaǵan qylmys sany 9,4%-ǵa azaıdy. Jalpy alǵanda qaladaǵy qylmystyq ahýal turaqty, qylmysty ashýdyń tıimdiligi artty. Biz elimizdiń Іshki ister mınıstrligi jáne ákimdiktiń qoldaýymen qala turǵyndary men qonaqtary ózderin jaıly ári qaýipsiz sezinýi úshin barlyq sharany qoldanyp jatyrmyz, - dedi Arystanǵanı Zapparov.

Eske salaıyq, buǵan deıin zańdy tulǵalardyń jemqorlyq qylmystaryna jaýapkershiligi kúsheıtiletinin jazǵanbyz.