Almatyda keńeıtilgen aýylsharýashylyq jármeńkesi ótedi
ALMATY. KAZINFORM — Almatyda aldaǵy demalys kúnderi, ıaǵnı 23-24 qarasha kúnderi saǵat 08:00–den 17:00–ge deıin Almaty oblysy aýyl sharýashylyǵy taýar óndirýshileriniń keńeıtilgen jármeńkesi ótedi.
Jármeńkede 50-den astam ónim — et-sút, jemis-kókónis, shujyq ónimderi, ósimdik jáne janýar maılary jáne t. b. usynylady. Ónimniń jalpy kólemi — 250 tonna.
«Onyń ishinde et ónimderi — 50 tonna, jemis, kókónis ónimderi — 100 tonna, sút ónimderi — 45 tonna, balyq ónimderi — 5 tonna, basqalary — 50 tonna», — dep habarlady ákimdiktiń baspasóz qyzmeti.
Aýyl sharýashylyǵy jármeńkesi Sátbaev kóshesiniń boıymen Ýalıhanov kóshesi men Dostyq dańǵyly aralyǵynda ótedi.
Osyǵan baılanysty Sátbaev kóshesiniń Ýálıhanov kóshesinen Dostyq dańǵylyna deıingi bóligi 22 qarashada saǵat 20:00–den 24 qarashada 20:00–ge deıin jabylady.
Jármeńkeni ótkizý kezinde № 45, № 95 jáne № 121 avtobýstarynyń júrý baǵyty ózgeredi.
Jabylatyn ýchaskeni aınalyp ótý Abaı dańǵyly boıynsha júrgiziletin bolady.
Buǵan deıin Almaty oblysynda kóshkin qaýpi bar 55 ýchaske bar ekeni habarlandy.