Almatyda kemirgishtermen kúres 47 myń gektardan astam jerdi qamtıdy

ALMATY. KAZINFORM – 15 qyrkúıek pen 31 qazan aralyǵynda Almatyda «Taza Qazaqstan» jalpyrespýblıkalyq baǵdarlamasynyń aıasynda kemirgishterdi joıý sharasynyń ekinshi kezeńi ótedi.

Іs-sharanyń maqsaty – kemirgishterdi joıý jáne olardyń taralýynyń aldyn alý. Ol qalanyń barlyq segiz aýdanyn qamtıdy.

Qalalyq qyzmetterdiń málimetinshe, deratızatsııa jumystary 47 myń gektardan astam aýmaqta júrgiziledi.
Óńdeý aımaǵyna ózen-kól jaǵalaýlary men jeke turǵyn úılerdiń aýmaqtary kiredi.

Jeke sektor turǵyndaryna ýdy arnaıy nusqaýlyqpen birge tegin alý múmkindigi qarastyrylǵan.

Almaty qalasynda deratızatsııalyq is-sharalar jylyna eki ret — kóktem men kúzde ótkiziledi.

Mundaı keshendi tásil kemirgishter sanynyń ósýin baqylaýǵa jáne olardyń taralý qaýpin azaıtýǵa múmkindik beredi.

Qalalyq kommýnaldyq ınfraqurylym jáne turǵyn úı ınspektsııasy basqarmasy deratızatsııa kestesi aýa raıynyń jaǵdaıyna qaraı ózgerýi múmkin ekenin atap ótti.

Sondaı-aq basqarma zańdy tulǵalarǵa, PIK, MIB jáne PT ókilderine ózderine qarasty aýmaqtar men qoqys alańdarynda deratızatsııany qalalyq jumystarmen qatarlastyra júrgizý týraly ótinish jasady.

Osyǵan deıin Qonaevta tazalyq saqtamaǵan turǵyndarǵa 3 mln teńge aıyppul salynǵany týraly jazdyq.