Almatyda kedendik zańsyz tekserýdiń 37 faktisi anyqtaldy

ASTANA. KAZINFORM — Prokýratýra iri bızneske qatysty zańsyz taýar tekserýlerdiń jolyn kesti.

Almaty kólik prokýratýrasy iri salyq tóleýshilerdiń atyna kelgen taýarlardy kedendik zańsyz tekserýdiń 37 faktisin anyqtady.

— Tekserýler ınspektsııalyq–qaraý keshenderiniń isten shyǵýyna baılanysty qoldanylatyn táýekelderdi basqarý júıesiniń táýekel profılderi negizinde júrgizilgen. Bul bıznes úshin qosymsha qarjylyq shyǵyndarǵa ákeledi. Prokýrorlyq qadaǵalaý aktisi boıynsha zańsyz tájirıbe toqtatyldy, al jaýapty laýazymdy tulǵalar tártiptik jaýaptylyqqa tartyldy, — delingen taratylǵan aqparatta.

Buǵan deıin BQO-da prokýratýranyń aralasýymen 468,5 mln teńge memleketke qaıtarylǵany belgili boldy.