Almatyda Qajymuqan men Nazarbaev kósheleri ýaqytsha jabylady
ALMATY. KAZINFORM – Nazarbaev dańǵyly men Qajymuqan kóshesiniń bir bóligine jóndeý júrgizýge baılanysty kólik qozǵalysyna ýaqytsha shekteý engiziledi.
Almaty ákimdiginen málim etkendeı, 30 qazan kúni saǵat 10:00-den 15:00-ge deıin Qajymuqan kóshesiniń №22-úıinen Nazarbaev dańǵylyna deıingi ýchaskede qozǵalys jabylady. Bul aýmaqty Dostyq dańǵyly men S. Baıjanov kóshesi arqyly aınalyp ótýge bolady.
Sondaı-aq 30 qazanda saǵat 15:00-den 23:00-ge deıin Nazarbaev dańǵylynyń Qajymuqan kóshesinen ál-Farabı dańǵylyna deıingi ýchaskesinde qozǵalys shekteledi. Bul aýmaqty Qajymuqan, Meńdiqulov jáne Dostyq dańǵyldary arqyly aınalyp ótýge bolady.
Jóndeletin aýmaqta eskertý belgileri, merdiger uıym basshysynyń baılanys nómiri jazylǵan stendter qoıylady.
Osyǵan deıin gaz qubyryn aýystyrý jumystaryna baılanysty Buqar Jyraý kóshesiniń bir aptaǵa jabylǵany týraly jazǵan edik.
