Almatyda Qajymuqan kóshesi 4 kúnge jabylady

ALMATY. KAZINFORM – Almatynyń Medeý aýdanynda Qajymuqan kóshesinde kólik qozǵalysy shekteledi. 

«Almaty jylý júıesi» mekemesi atap ótkendeı, 2023 jyly joǵaryda atalǵan ýchaskede jańǵyrtý jumystaryn júrgizgen «ASKADI» JShS merdigeriniń kepildik mindettemesi sheńberinde asfalt-beton jabynynda anyqtalǵan aqaýlardy joıý maqsatynda ýaqytsha shekteýler engiziledi. Bul jumys merdigerdiń óz qarajaty esebinen júrgiziledi. 

«Qajymuqan kóshesiniń boıymen Gospıtalnaıa kóshesinen Dostyq dańǵylyna deıin 27 maýsym saǵat 09:00-den 1 shilde tańǵy 08:00-ge deıin kólik qozǵalysy shekteledi. Jol eki baǵytta da jabylady», - dep habarlady «Almaty jylý júıesi» mekemesi. 

Eske salaıyq, merdiger «ASKADI» JShS 2023 jyly 25 jyldan astam jyl qyzmet etýimen óziniń normatıvtik qyzmet etý merzimin ótegen, uzyndyǵy 617 metr qubyrdy aýystyrǵan edi. 

Qubyr 86 kóppáterli turǵyn úı turǵyndaryn, 6 mektep, 4 balabaqsha, 14 densaýlyq saqtaý obektisin jáne 15 basqa nysandy jylýmen jáne ystyq sýmen qamtamasyz etip otyr.