02:33, 24 Jeltoqsan 2025 | GMT +5
Almatyda «Qazaqstan» qonaq úıiniń syrty jaryqtandyryldy
ALMATY. KAZINFORM – Almatyda «Qazaqstan» qonaq úıi ǵımaratynyń sáýlettik jaryqtandyrý jobasy júzege asyryldy.
Almaty ákimdiginiń málimetinshe, qala sımvolyna aınalǵan nysanǵa 1800-den astam zamanaýı jaryq shamdary ornatyldy. Olar ǵımarattyń tanymal sáýletin aıqyndap, keshki jáne túngi ýaqytta oǵan aıryqsha kórinis berdi.
- Bul sheshim ǵımarattyń vızýaldy tartymdylyǵyn arttyryp, qalalyq ortaǵa úılesimdi túrde endi, - dep habarlady ákimdikten.
Eske salaıyq, buǵan deıin Sátbaev pen Jeltoqsan kósheleriniń qıylysynda ornalasqan bıiktigi 200 metr teleradıo habaryn taratatyn munaranyń sáýlettik jaryqtandyrý jobasy tolyq aıaqtaldy.
Al 2024 jyly Almatyda «Kóktóbe» telemunarasynda jaryqtandyrý tehnologııasy jumys isteı bastady.