Almatyda qazaq kúresinen kúshtik qurylymdar arasynda ótken jarystyń júldegerleri anyqtaldy
ALMATY. KAZINFORM – Almatyda Qazaqstannyń kúshtik qurylymdary arasyndaǵy qazaq kúresinen ótken ashyq chempıonattyń jeńimpazdary men júldegerlerin marapattaý rásimi ótti. Bul týraly Qorǵanys mınıstrliginiń baspasóz qyzmeti habarlady.
Mınıstrlik uıymdastyrǵan jarys Armııa ortalyq sport klýbynda ótkizildi. Jeńimpazdar men júldegerlerdi marapattaý rásimine Qorǵanys mınıstri, avıatsııa general-leıtenanty Daýren Kosanov, Parlament depýtattary, Áskerı-qoldanbaly sport túrleri federatsııasynyń prezıdenti Bolat Baıjan jáne qazaq kúresi federatsııasynyń birinshi prezıdenti Erǵalı Muhadınov qatysty.
Týrnırde Qorǵanys mınıstrligi, Іshki ister mınıstrligi, Tótenshe jaǵdaılar mınıstrligi, Memlekettik kúzet qyzmeti, Shekara qyzmeti, Ulttyq qaýipsizdik komıteti jáne Ulttyq ulannan barlyǵy 200 sportshy synǵa tústi.
Qazaq kúresinen tómende atalǵan salmaq sanattary boıynsha jeńimpazdar anyqtaldy. Olar 60 kelige deıin – Bekjan Tepenov (AOSK), 66 keli – Ernur Súleımen (AOSK), 74 keli – Jumajan Qojambekov (AOSK), 100 keli – Aıan Baıǵazov (Desanttyq-shabýyldaý áskerleri). Ekinshi oryn 55 kelige deıin – Muhtar Álıevke (AOSK), 66 keli – Dıas Dáýletovke (Desanttyq-shabýyldaý áskerleri), 82 keli – Juman Muhamedjanǵa (AOSK), 100 keli – Aqyljan Tursynbekke (AOSK), 100 keliden joǵary – Ádil Orazbaevqa (AOSK) buıyrdy. Úshinshi oryndy 55 keli salmaqta – Arsen Asqarbek («Ońtústik» ÓńQ), 60 keli – Dáýren Súıkenov (Desanttyq-shabýyldaý áskerleri), 66 keli – Kemelbek Moldash (Áýe qorǵanys kúshteri) jáne Jandos Janádil («Shyǵys»ÓńQ), 74 keli – Islam Toqtasyn (Desanttyq-shabýyldaý áskerleri), 82 keli – Nurdáýlet Baqtybaıuly («Ońtústik» ÓńQ), 90 keli – Aıdar Beskempir (AOSK) jáne Aıbek Balabek (Desanttyq-shabýyldaý áskerleri), 100 keli – Ertýǵan Terenov , («Ońtústik» ÓńQ), 100 keliden joǵary – Asylhan Qýanyshbekov jáne Nurtóre Oralov (ekeýi de 32039 áskerı bóliminen) oljalady.
Jarys joǵary deńgeıde uıymdastyryldy. Qatysýshylar barynsha sheberlikterin, jeńiske degen erik-jigerin, sporttyq qaǵıdalar men dástúrlerge adaldyǵyn kórsetti.
Chempıonat qorytyndysy boıynsha Qazaqstannyń kúshtik qurylymdarynyń quramasy jasaqtalady. Alda olar áskerı qyzmetshiler arasynda ótetin álem chempıonattarynda el namysyn qorǵaıdy.
Osyǵan deıin kúshtik qurylymdar birinshiliginde 200-den asa balýan chempıondyq ataqqa talasatynyn habarlaǵan edik.
