Almatyda qaıtarylǵan aktıvter esebinen 49,3 km sý jáne káriz jelisi jańartyldy
ALMATY. KAZINFORM - Almaty qalasynyń Áýezov aýdanynda Saıyn, Shalıapın, ıAssaýı jáne Jandosov kósheleriniń 1-shi jáne 2-shi kezegindegi sý qubyry men káriz jelilerin jańǵyrtý jónindegi jobany júzege asyrý aıaqtaldy, dep habarlaıdy qalalyq prokýratýranyń baspasóz qyzmeti.
-Jumys, prokýratýra organdarynyń memleketke qaıtarǵan qarajat esebinen oryndaldy. Keńes kezeńinen beri paıdalanylyp kele jatqan ınjenerlik jeliler, tozý dárejesi óte joǵary bolǵan jáne aýystyrýdy qajet etken. Joba aıasynda 26,9 km sý qubyry men 22,4 km káriz jelisi tartyldy. Jobany iske asyrý nátıjesinde ortalyqtandyrylǵan ınjenerlik jelilerge 750 abonent qosyldy, al aýdannyń 3000-nan astam turǵyny senimdi jáne úzdiksiz sýmen qamtamasyz etildi,-delingen habarlamada.
Atalǵan jobany júzege asyrý, memleketke qaıtarylǵan aktıvterdi halyqtyń ıgiligine jáne qala ınfraqurylymyn damytýdyń kezekti bir mysaly boldy.
Osyǵan deıin Moıynqumda alty eldi meken qaıtarylǵan aktıvter esebinen aýyz sýmen qamtylatyny týraly jazdyq.
