Almatyda Qaırat Satybaldyǵa tıesili bolǵan qonaqúı satyldy
ALMATY. KAZINFORM - Almatyda buryn Qaırat Satybaldyǵa tıesili bolǵan DoubleTree by Hilton Almaty qonaqúı kesheni birneshe múmkindikten keıin 12,3 mıllıard teńgege ótti.
Saýda-sattyq e-Qazyna elektrondy platformasynda ótti.
Qonaqúı Almaty qalasynyń Almaly aýdanyndaǵy Dosmuhamedov kóshesinde ornalasqan. Bul – jalpy aýmaǵy 16 myń sharshy metr bolatyn 11 qabatty ǵımarat. Qonaqúıde 112 nómir, meıramhana, konferents-zaldar, basseın, SPA aımaǵy jáne fıtnes ortalyǵy bar.
Qonaqúıdi satyp alýǵa qansha úmitker qatysqany jáne ony kim satyp alǵany ázirge belgisiz.
Nysannyń bastapqy baǵasy 38,2 mıllıard teńge boldy. Buǵan deıin ony eki ret aýktsıon arqyly satpaq boldy. Alaıda satyp alýshy tabylmaı júrdi.
Alǵashqy saýda 2026 jyly 25 qyrkúıekte ótti. Ol kezde Almaty qalasynyń memlekettik múlik jáne jekeshelendirý departamenti nysannyń bastapqy baǵasyn 12,7 mıllıard teńge dep belgiledi.
DoubleTree by Hilton Almaty qonaqúıin 13 qazanda qaıta satýǵa shyǵardy.
29 qazanda ótken úshinshi aýktsıonda baǵa tómendetildi. Lottyń bastapqy quny 38,2 mıllıard teńge, al eń tómengi baǵasy 8,9 mıllıard teńge boldy. Qatysýshylar úshin kepildik jarna 1,9 mıllıard teńge bolyp belgilendi. Nátıjesinde ol 12,3 mıllıard teńgege satyldy. Bul departament bastapqyda belgilegen baǵadan tómenirek.
Lot quramyna tek qonaqúı kesheniniń ǵımaraty kirdi. Jıhaz ben basqa da jyljymaly múlik nysannyń qunyna qosylmaǵan. Sondaı-aq satyp alýshy DoubleTree by Hilton taýar belgilerine, fırmalyq ataýyna, zııatkerlik menshik nysandaryna jáne franchaızıng shartyna quqyq almaıdy.
Eske salsaq, Almatyda Qaırat Satybaldyǵa tıesili bolǵan qonaqúı IT-habqa aınalatyny habarlandy.
