Almatyda Qaırat Satybaldyǵa tıesili bolǵan qonaqúı aýktsıonǵa qoıyldy
ALMATY. KAZINFORM — Almatyda buryn Qaırat Satybaldyǵa tıesili bolyp, keıin memleket menshigine ótken 11 qabatty Double Tree by Hilton Almaty qonaqúı kesheni memlekettik satylymǵa shyqty.
Memlekettik múlik jáne jekeshelendirý departamenti bastapqy baǵany 12,7 mıllıard teńge dep baǵalady. Saýdaǵa qatysýshylar 1,9 mıllıard teńge kepildik jarnasyn salýy kerek.
Aýktsıon 2026 jyldyń 25 qyrkúıek saǵat 10:00–de bastalady.
Jalpy aýdany 16 196 sharshy metr bolatyn Hilton qonaqúı ǵımaraty Dosmuhamedov kóshesinde, Ortalyq stadıonnyń janynda ornalasqan. Keshenge 112 bólme, meıramhana, basseın, spa, hammam, sportzal jáne keń banket zaly kiredi.
Al lotqa jıhaz, jyljymaly múlik, ataý quqyǵy, saýda belgileri nemese franchaızıng kelisimi kirmeıdi.
Sonymen qatar jer ýchaskesine Energetıka jáne kommýnaldyq sharýashylyq departamentiniń «Sý jelisi» tarapynan servıtýt belgilengen.
Eske salsaq, Qaırat Satybaldydan tárkilengen Kaisar Plaza ekinshi ret aýktsıonǵa qoıylǵan edi.
Sondaı-aq Almatyda Qaırat Satybaldyǵa tıesili bolǵan qonaqúı IT-habqa aınalatyny habarlandy.
