Almatyda «Qaırat» — «Real Madrıd» matchyn kórýge arnalǵan fan-aımaqtar bola ma

ALMATY. KAZINFORM — ÝEFA Chempıondar lıgasynyń toptyq kezeńi aıasynda 30 qyrkúıek kúni Ortalyq stadıonda «Qaırat» pen «Real Madrıd» arasyndaǵy oıyn ótedi.

Bul match qazaqstandyq jankúıerler arasynda erekshe qyzyǵýshylyq týdyryp otyr. Oıyn bıletteri satylymǵa shyqqannan keıin sanaýly saǵattarda satyldy. 

Ticketon kommýnıkatsııalar dırektory Azamat Atageldiniń aıtýynsha, satylymnyń sharyqtaý sheginde platformada bir mezette 1 mln qoldanýshy bolǵan.

Osy oraıda, fýtboldan álem chempıonaty syndy iri jarystarda stadıon syrtynda jankúıerlerdiń jınalyp, oıyndy birge tamashalaýǵa múmkin beretin fan-aımaqtardyń uıymdastyrylýy týraly Almaty ákimdiginen suradyq.

— Ákimdik jaǵynan fan-zonalar qarastyrylmaǵan. «Qaırat» fýtbol klýby tarapynan da uıymdastyrylmaıdy, — dep habarlady qala ákimdigi.

Eske salaıyq, match aldynda «Qaırat» fýtbol klýbynyń bas bapkeri Rafael Ýrazbahtın komandanyń daıyndyǵy týraly aıtty.

Sondaı-aq Backstreet Boys kontsertinen keıin Ortalyq stadıon kógaly qandaı jaǵdaıda ekenin jazǵanbyz.