Almatyda «Qaırat» pen «Aqtóbe» matchyna baılanysty qaýipsizdik kúsheıtiledi
ALMATY. KAZINFORM — Búgin Almatynyń Ortalyq stadıonynda ishki birinshilik aıasynda «Qaırat» pen «Aqtóbe» fýtbol klýbtary kezdesedi.
Qala polıtsııasy atalǵan oıynǵa baılanysty stadıon aýmaǵy men oǵan irgeles aımaqtarda qoǵamdyq qaýipsizdikti qamtamasyz etýge qosymsha sharalar qabyldanyp jatqanyn málimdedi.
Qalalyq polıtsııa departamentiniń bastyǵy Aıdyn Kabdýldınovtyń aıtýynsha, sporttyq is-shara barysynda qoǵamdyq tártip qatań baqylaýda bolady.
— Match ótetin kúni stadıon men oǵan irgeles aýmaqta qaýipsizdik sharalary barynsha kúsheıtiledi. Qoǵamdyq tártipti qamtamasyz etýge qosymsha polıtsııa kúshteri jumyldyrylady. Sonymen qatar match ótetin aýmaq tolyqtaı turaqty baqylaýda bolady, — dedi ol.
Sondaı-aq ol jankúıerlerdi stadıondaǵy tártip erejelerin saqtaýǵa shaqyrdy. Qoǵamdyq tártipti buzýǵa baǵyttalǵan kez kelgen áreketke jedel tosqaýyl qoıylatynyn eskertti.
— Agressııa, arandatý, balaǵat sózder, qorlaý, buzaqylyq áreketter, sondaı-aq tyıym salynǵan zattardy paıdalaný — múlde jol berilmeıtin áreketter. Mundaı jaǵdaılarda polıtsııa tarapynan jedel sharalar qabyldanady. Quqyq buzýshylar anyqtalyp, árbir derekke quqyqtyq baǵa beriledi, — dep polıtsııa bastyǵy.
Eske salaıyq, fýtboldan Qazaqstan Premer-lıgasynyń 2026 jylǵy maýsymynda 126 legıoner tirkeldi. Sheteldik oıynshylar arasynda qaı eldiń ókilderi kóp ekenin osy siltemede oqı alasyzdar.
