Almatyda «Qaırat» matchyna baılanysty metro jumysy uzartyldy

ALMATY. KAZINFORM — Búgin saǵat 21:45–te ÝEFA Chempıondar lıgasynyń toptyq kezeńi aıasynda Ortalyq stadıonda «Qaırat» pen «Real Madrıd» arasyndaǵy oıyn ótedi.

Qala ákimdiginiń málimetinshe, metronyń jumysy túngi saǵat 01:00–ge deıin uzartylady.

— «Baıqońyr» jáne «M.Áýezov atyndaǵy teatr» beketterinde match ótkizý kezinde jolaýshylardy qaýipsiz tasymaldaý jáne sapaly qyzmet kórsetý úshin qyzmetkerler sany kúsheıtiledi, — dep habarlady ákimdikten.

Eske salaıyq, «Qaırat» pen «Real Madrıd» arasyndaǵy oıyn aıaqtalǵan soń jankúıerlerdiń úılerine jaıly jetýi úshin 60 avtobýs uıymdastyrylady.

Olar Abaı, Sátbaev jáne Baıtursynuly kóshelerimen qozǵalyp, 6 baǵytta qatynaıdy:

* Ortalyq stadıon — «Almaty Arena» — batys baǵyty;

* Ortalyq stadıon — Raıymbek/Alataý — batys baǵyty;

* Ortalyq stadıon — Almaty-1 temirjol vokzaly;

* Ortalyq stadıon — «Orbıta» shaǵyn aýdany;

* Ortalyq stadıon — «Juldyz» shaǵyn aýdany — shyǵys baǵyty;

* Ortalyq stadıon — Áýejaı — shyǵys baǵyty.

Oıyn kezinde tártip pen qaýipsizdikti qamtamasyz etý úshin 2,5 myńnan astam polıtsııa qyzmetkeri jumyldyrylady.

Keshe «Real Madrıd» Ortalyq stadıonda jattyǵý ótkizdi.