Almatyda qaýipti drıft jasaǵan júrgizýshiler ustaldy
ALMATY. KAZINFORM – Almatyda ótken demalys kúnderi jol qozǵalysy erejelerin óreskel buzǵan eki júrgizýshi jaýapqa tartyldy.
Júrgizýshiler túngi ýaqytta qala kóshelerinde drıft jasaǵan. Olardyń áreketin beınebaqylaý kameralary túsirdi. Qazir quqyq buzýshylardyń árqaısysyna birneshe bap boıynsha ákimshilik hattama toltyryldy. Sot sheshimimen bir júrgizýshi 5 táýlikke ákimshilik qamaýǵa alynsa, ekinshisine aıyppul salyndy.
- Joldaǵy agressıvti júrgizý men drıft — azamattardyń ómiri men densaýlyǵyna tikeleı qaýip. Biz mundaı faktilerge qatań túrde áreket etip, barlyq anyqtalǵan quqyq buzýshylyq boıynsha jaýapkershilikke tartamyz, — dedi Almaty qalasy ákimshilik polıtsııa basqarmasynyń bastyǵy Ábdinur Tasybaev.
Eske salaıyq, buǵan deıin Almaty kóshelerinde jarysqan taǵy bir top júrgizýshi ustaldy.
