Almatyda qatty jelden ýnıversıtet ǵımaratynyń shatyry qulady
ALMATY. KAZINFORM — Almatyda keshe keshki ýaqytta jel boldy.
Áleýmettik jelide shatyry qulaǵan ǵımarattyń beınejazbasy tarady.
Oqıǵa boıynsha Narhoz ýnıversıtetiniń baspasóz qyzmeti túsinikteme berdi.
Resmı jaýapqa sáıkes, 19 maýsym kúni keshke Almaty qalasynda aýa raıynyń kúrt nasharlaýyna jáne qatty jelge baılanysty Áýezov aýdanynda ornalasqan Narhoz ýnıversıtetiniń 5 qabatty ǵımarattyń shatyry ishinara qıraǵan.
— Qaza tapqandar men zardap shekkender joq. Ýnıversıtet tarapynan oqıǵanyń saldaryn joıý boıynsha jedel sharalar qabyldandy. Eki avtokólik zaqymdandy. Ýnıversıtet zalaldy qalpyna keltirý jumystaryn júrgizip jatyr, — dep habarlady JOO baspasóz qyzmeti.
Eske salaıyq, Pavlodar oblysynda daýyldan bir adam qaza taýyp, ondaǵan nysan zaqymdandy.