Almatyda qatarlasyn soqqyǵa jyqqan oqýshy qyzdar ustaldy

ALMATY. KAZINFORM - Áleýmettik jelide bir toptyń qyzdyń qatarlasyn uryp jatqany beınejazba tarady. 

Almaty qalasynyń Polıtsııa departamenti bul derek boıynsha qylmystyq is qozǵalǵanyn habarlady. Beınejazbadaǵy barlyq jasóspirim anyqtalyp, polıtsııaǵa jetkizilgen.

— Olardyń árqaısysynyń is-áreketine tergeý arqyly quqyqtyq baǵa berilip, Qazaqstan Respýblıkasynyń zańnamasyna sáıkes sharalar qoldanylady. Jasóspirimder oqıtyn jalpy bilim berý uıymdarynyń ákimshiligine qylmys jasaýǵa yqpal etken sebepter men jaǵdaılardy joıý týraly usynystar jiberildi. Oqıǵaǵa qatysýshylardyń barlyǵy mekteptiń ishki esebine alyndy, — dep habarlady departamentten.

Sonymen qatar oqýshylardyń ata-analary balalaryn tárbıeleýde óz mindetterin oryndamaǵany úshin jaýapkershilikke tartylǵan. Almaty polıtsııasy qylmystyq is boıynsha árbir quqyqbuzýshyǵa qatysty materıaldar Bostandyq aýdany ákimdigi janyndaǵy kámeletke tolmaǵandar isteri jónindegi vedomstvoaralyq komıssııada qaralatynyn málimdedi.

Eske salaıyq, buǵan deıin Semeıde jasóspirimder altynshy synyp oqýshysyn soqqyǵa jyqqanyn jazǵanbyz.