Almatyda kásipkerlerge tómen paıyzben berilgen eń úlken nesıe - 500 mln teńge

ALMATY. KAZINFORM – 2019 jyldan beri kásipkerlikti damytýdyń «Almaty Business – 2025» baǵdarlamasy aıasynda «Almaty» áleýmettik-kásipkerlik korporatsııalary - «Almaty Finance» JShS jáne «Almaty» MQU JShS enshiles kompanııalary arqyly 656 jobaǵa 36,3 mlrd teńge bólinip, 2 716 jumys ornyn ashqan. Bul týraly «Almaty Finance» JShS basqarma tóraǵasynyń orynbasary Juldyz Igenov aıtty.

Qalalyq máslıhat bekitken baǵdarlama jeńildetilgen nesıelendirý arqyly shaǵyn jáne orta bıznesti damytýǵa baǵyttalǵan. Juldyz Igenov baǵdarlamanyń basty maqsaty – bızneske qarjylandyrý múmkindigin arttyrý ekenin atap ótti.

- «Almaty Finance» jáne «Almaty» MQU arqyly kásipkerler 2% jáne 6% jyldyq mólsherlememen 7 jylǵa deıin nesıeler alyp, óz kásibin ashýǵa jáne damytýǵa múmkindik aldy. 2024 jyly «Almaty Finance» usynǵan eń joǵary nesıe somasy 500 mln teńge, al «Almaty» MQU-da 73 840 000 teńge boldy, – dedi Juldyz Igenov.

Aıta ketken jón, alynǵan qarajat kásipkerlerge jabdyq satyp alýǵa, shıkizat alýǵa, aınalym qarajatyn tolyqtyrýǵa jáne bıznestiń basqa qajettilikterin qanaǵattandyrýǵa jumsalady.

Eske salaıyq, buǵan deıin Almatynyń Neke saraıy nelikten qaraýsyz qalǵanyn jazǵan edik.