Almatyda kásipkerlerge qysym kórsetken krımınalıtet ókilderi ustaldy
ASTANA. KAZINFORM — Іshki ister mınıstrligi krımınalıtettiń bızneske qysym kórsetý faktilerin anyqtaý jáne jolyn kesý boıynsha júıeli jumysty jalǵastyryp keledi. Bul týraly Polisia.kz jazdy.
Jedel is-sharalardyń nátıjesinde Almaty qalasynda uıymdasqan qylmysqa qarsy kúres basqarmasynyń qyzmetkerleri UQKD-men birlesip, prokýratýranyń úılestirýimen resmı emes jumyskerleri qylmystyq ortanyń ókilderi bolǵan kúzet uıymynyń quqyqqa qarsy qyzmetin joıdy.
Olar qaqtyǵys jaǵdaılar men arandatýlar jasaý arqyly obektilerdi basyp alýmen aınalysqan. Keıinnen olardyń «qaýipsizdigin» qamtamasyz etken. Mysaly, ótken jyldyń 23 qarashasynda fıgýranttar krımınaldyq qamqorlyq jasaý jáne yqpal etý salasyn keńeıtý maqsatynda karaoke-barǵa basyp kirip, onda mekemeniń ıesi men kúzetshilerin uryp-soqqan.
– Polıtsııaǵa 10 kúdikti jetkizilip, olardyń 6-ýy qamaýǵa alyndy. 20-dan astam izdeý is-sharalary júrgizilip, atys jáne sýyq qarý tárkilendi. Buzaqylyq pen óz betinshe bılik etýdiń birneshe faktileri boıynsha sotqa deıingi tergep-tekserý júrgizilýde. Kúdiktilerdiń osyǵan uqsas basqa da qylmystarǵa qatysy bar-joǵy tekserilýde. Atalǵan baǵyttaǵy jumys jalǵasýda, – dedi ІІM uıymdasqan qylmysqa qarsy kúres departamentiniń ókili Qýandyq Alpys.
Eske sala keteıik, buǵan deıin elimizde esirtki qylmysyna qatysty jaza ózgergenin jazǵan borlatynbyz.