Almatyda kásipkerler kóriktendirý tólqujatynyń erejelerin saqtaýǵa mindetteldi

ALMATY. KAZINFORM - Almatyda jańa kóriktendirý erejeleri aıasynda 6 039 bıznes nysandy tólqujattaý jumystary aıaqtaldy.

1 sáýirden bastap kásipkerler kóriktendirý tólqujatynyń erejelerin saqtaýǵa mindetti. Kóriktendirý tólqujatynyń talaptarynyń oryndalýyn aýdan ákimdikteriniń kóriktendirý jáne ekologııa bólimi baqylaıdy. 

Jańa talapqa sáıkes, árbir bıznes ókili kóriktendirý tólqujatyn alyp, oǵan tıesili aýmaqtyń tazalyǵy men tártibin saqtaýy qajet. Bul talap menshik nysanyna qaramastan barlyq kásipkerge qatysty. 

— Ǵımarat ıeleri, sondaı-aq PIK, MIB, QS sııaqty zańdy jáne jeke tulǵalar men jer paıdalanýshylar aýmaǵynyń tazalyǵyn qamtamasyz etip, ǵımarat qasbetteriniń ýaqtyly jóndelýi men syrlanýyn qadaǵalaýǵa tıis. Al qys mezgilinde ǵımarat ıeleri turǵyndar men jalǵa alýshylardy qar men muzdy tazalaý jumystary týraly aldyn ala habardar etýi kerek, - dep túsindirdi ákimdikten.

Talapty buzǵan kásipkerler Qazaqstan Respýblıkasynyń Ákimshilik quqyq buzýshylyq týraly kodeksiniń 505-baby boıynsha ákimshilik jaýapkershilikke tartylady. Shaǵyn bıznes sýbektileri men kommertsııalyq emes uıymdar úshin aıyppul mólsheri — 30 AEK (117 myń teńge). Orta bıznes sýbektileri úshin — 40 AEK (157 myń teńge). Іri bıznes sýbektileri úshin — 100 AEK (393 myń teńge). 

Eske salaıyq, buǵan deıin Almatyda erekshe qajettilikteri bar adamdar úshin 3,1 myń áleýmettik nysan beıimdeletinin jazǵanbyz.