09:46, 30 Qyrkúıek 2025 | GMT +5
Almatyda kásipkerdiń úıin tonaǵan qaraqshylar toby ustaldy
ALMATY. KAZINFORM — Krımınaldyq polıtsııa qyzmetkerleri jeke kásipkerdiń úıine jasalǵan qaraqshylyq qylmysty ashty.
— 12 qyrkúıekte kúdiktiler maska kıip, jeke úıge kirgen. Shyǵyn - 500 mıllıon teńge. Jedel jumys nátıjesinde Almaty qalasy jáne Almaty oblysynyń úsh turǵyny ustalyp, qamaýǵa alyndy, — dedi ІІM krımınaldyq polıtsııa departamentiniń bastyǵy Qanat Nurmaǵambetov.
ІІM málimetinshe, tergeý barysynda kúdiktilerdiń bıyl Almaty oblysynyń aýmaǵynda jáne ótken jyly Almaty qalasynda jasalǵan eki uqsas ashylmaǵan qylmysqa qatysy bary anyqtaldy. Qazir tergeý amaldary júrgizilip jatyr.
Eske salaıyq, buǵan deıin Almatyda 6 jasar balany urǵan burynǵy qoǵamdyq keńes múshesi jazalandy.