Almatyda kásipker Shyńǵys Qurmanǵalıev ustaldy
ALMATY. KAZINFORM — Almatyda kásipker, «Tender bırjasy» JShS basshysy Shyńǵys Qurmanǵalıev alaıaqtyq isi boıynsha qamaýǵa alyndy.
Kazinform agenttigi tilshisine bul týraly Almaty polıtsııa departamenti rastady.
Vedomstvonyń resmı ókiliniń málimetinshe, Qylmystyq kodeksiniń 190-baby 3-bóligi boıynsha qylmystyq is qozǵalyp, tergeý amaldary júrgizilip jatyr.
Kúdikti qazir Almatydaǵy ýaqytsha ustaý ızolıatoryna qamaýda otyr.
— Sottyń sheshimimen oǵan qamaýǵa alý túrindegi bultartpaý sharasy tańdaldy. Basqa málimetter Qylmystyq-protsestik kodeksiniń 201-baby talaptaryna sáıkes jarııa etilmeıdi, — delingen habarlamada.
Eske salaıyq, buǵan deıin Almaty oblysynda Almasbek Sadyrbaı men onyń alty seriktesine qatysty alaıaqtyq, qylmystyq kiristerdi zańdastyrý jáne uıymdasqan qylmystyq topqa qatysý faktileri boıynsha qylmystyq isti tergeý aıaqtalǵanyn habarlaǵanbyz.