Almatyda qasaqana jol erejesin buzǵan bir top júrgizýshi ustaldy

ALMATY. KAZINFORM — Almaty qalasynda túngi ýaqytta bir top júrgizýshi jol qozǵalysy erejelerin óreskel buzǵan. Olar túsirgen beınejazba áleýmettik jelide tarady.

Almaty qalasy polıtsııa departamentiniń málimetinshe, júrgizýshiler áreketinen anyqtalǵan quqyqbuzýshylyqtar qatarynda — burylys belgisin jaqpaı jolaq aýystyrý, qarama-qarsy qozǵalys jolaǵyna shyǵý, ózge júrgizýshilerge qurmetsizdik tanytyp, qarapaıym ádep normalaryn elemeý jáne qaýipsizdik sharalaryn qasaqana buzý bar.

— Barlyq qatysy bar júrgizýshiler men jolaýshylar anyqtalyp, polıtsııa bólimshelerine jetkizildi. Avtokólikter aıyppul turaǵyea qoıyldy. Buzýshylarǵa qatysty quqyqtyq is-sharalar júrgizilip, árqaısysyna is jaǵdaıyna sáıkes naqty ákimshilik quqyqbuzýshylyqtar taǵyldy, — dep habarlady departamentten.

Eske salaıyq, buǵan deıin Almatyda kósheniń qaq ortasynda kóligin keri júrgizgen júrgizýshi jazalandy.