Almatyda qarjy pıramıdasyn uıymdastyrýshylar eldi beınerolık kórý arqyly paıda tabasyń dep aldaǵan
ASTANA. KAZINFORM – Qarjylyq monıtorıng agenttiginiń Almaty qalasy boıynsha departamenti «NBC TV» qarjy pıramıdasyn qurý jáne oǵan basshylyq etý faktisi boıynsha tergeýdi aıaqtady, dep habarlaıdy agenttiktiń baspasóz qyzmeti.
Tergeý amaldaryna saı, 2025 jyly kúdikti ınternettegi «www.nbcms.com» resýrsy jáne WhatsApp messendjeri arqyly azamattardy tarta otyryp, ınvestıtsııalyq onlaın-joba retinde búrkemelengen qarjy pıramıdasyn uıymdastyrǵan.
Atalǵan messendjer chattarynda («Dıskýssıonnaıa grýppa NBC Charlotte», «NBCUniversal Media LLC» jáne basqa) 200-den astam adam bolǵan.
Qatysýshylarǵa qysqa beınerolıkterdi (fılm treılerlerin) qaraǵany úshin tabys tabý syltaýymen ınvestıtsııa salý usynylǵan.
Jobaǵa qatysý úshin quny 11 000-nan 160 000 teńgege deıingi ınvestıtsııalyq paketterdi satyp alý talap etilgen.
Bul rette táýligine 5–10%-ǵa deıin (aıyna 150%-dan astam) tabys ýáde etilgen, al mundaı tólemder tek jańa salymshylardyń qarajaty esebinen qamtamasyz etilgen.
Sonymen qatar tartylǵan tulǵalardyń salymynan 10%-ǵa deıin syıaqy tólenetin referaldyq júıe, sondaı-aq ekinshi jáne úshinshi deńgeıdegi qatysýshylar úshin qosymsha bonýstar qarastyrylǵan.
Zańdy qyzmettiń kórinisin qalyptastyrý maqsatynda uıymdastyrýshylar áleýmettik jeliler men messendjerlerde jarnama taratqan, jalǵan qujattardy jarııalaǵan, jasandy tabys kórsetkishterin kórsetken, blogerlerdi tartqan jáne taqyryptyq chattardy júrgizgen.
Qarajattardy qabyldaý jeke tulǵalardyń shottaryna júrgizilip, keıin R2R operatsııalary arqyly krıptovalıýtaǵa aıyrbastalyp, anonımdi ámııandarǵa jiberilgen.
Sot sanktsııasymen 1 057 599 USDT (Tether) kólemindegi krıptovalıýtaǵa tyıym salyndy, bul shamamen 528,5 mln teńgeni quraıdy.
Kúdiktige qatysty elden shyqpaý jáne tıisti minez-qulyq týraly qolhat túrindegi bultartpaý sharasy qoldanyldy.
Qylmystyq is sotqa joldandy.
Qazaqstan Respýblıkasy Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy.
Qarjylyq monıtorıng agenttigi azamattarǵa qarajat salmas buryn joba týraly usynylǵan aqparatty muqııat zerdeleýdi, kompanııanyń resmı tirkelýin, qyzmetiniń quqyqtyq mártebesin jáne qajetti ruqsat qujattarynyń bar-joǵyn tekserýdi, sondaı-aq ýáde etilgen tabystyń shynaıylyǵyn baǵalaýdy usynady.
Osyǵan deıin 380 adam Sirius Energy qarjy pıramıdasynyń qurbany bolǵany týraly jazdyq.
