Almatyda káriz júrgizgen uıym turǵyn úılerdi jaryqsyz qaldyrdy

ALMATY. KAZINFORM — Almatyda keshe «Alma sıtı» turǵyn úı kesheniniń turǵyndary biraz ýaqyt jaryqsyz otyrdy.

Naýryzbaı aýdany ákimdiginiń málimetinshe, 22 maýsym saǵat 13:30–da Altyn Orda kóshesiniń boıynda ornalasqan «Alma sıtı 5» turǵyn úı kesheninde jaryq bolmady. Sebebi «KZ Recycling» karton zaýytyna káriz qubyryn júrgizý kezinde «Global Strýktýr» merdigerlik uıymy 10 kV kerneýi bar elektr jelilerine zaqym keltirgen.

— RES-3 kúshimen kabeldi qalpyna keltirý boıynsha jumystar júrgizildi. Qazirgi ýaqytta elektrmen jabdyqtaý tolyǵymen qalpyna keltirildi, elektr energııany berý shtattyq rejımde júzege asyrylady, — dep habarlady aýdan ákimdigi.

Eske salaıyq, buǵan deıin Almaty mańynda turǵyndar birneshe kún sýsyz otyrǵanyn jazǵanbyz.