Almatyda káriz jelilerin durys júrgizbegen merdiger lıtsenzııasynan aıyryldy

ALMATY. KAZINFORM — Almaty qalasynyń josparlaý jáne ýrbanıstıka basqarmasy «AsiaMax» JShS qurylys kompanııasynyń lıtsenzııasyn toqtatty. 

Almaty ákimdiginiń málimetinshe, atalǵan kompanııa Ábish Kekilbaev kóshesinde káriz jelilerin qaıta jańartý jumystaryn júrgizgen.

— Lıtsenzııanyń kúshin joıýǵa jumys kestesiniń sozylýy ǵana emes, turǵyndardyń narazylyǵyn týǵyzǵan óreskel qatelikter de sebep boldy. Atap aıtqanda: jobalyq sheshimder aýytqyǵan, qurylys barysynda memlekettik normalar saqtalmaǵan. Jospardan tys tekseris nátıjesinde nusqama berildi jáne kompanııa lıtsenzııasynan aıyryldy, — dep habarlady ákimdikten.

Eske salaıyq, buǵan deıin Almatyda opyrylǵan jol úshin merdiger jaýapqa tartyldy.