Almatyda qarýmen júrgen er adam ustaldy

ALMATY. KAZINFORM – Almatyda kóshe ortasynda qarý ustap júrgen er adam jaýapqa tartyldy.

Áleýmettik jelide eki er adamnyń vıdeosy shyqty. Olardyń biri qarý ustap júrgen. Olar vıdeo avtoryn balaǵattap, vıdeoǵa túsirmeýdi surady. Osydan soń oqıǵa ornyna polıtseıler kelgen. 

Almaty qalalyq polıtsııa departamenti atalǵan derek boıynsha tekseris bastalǵanyn habarlady.

«A. esimdi azamattyń qolynda pnevmatıkalyq myltyq bolǵany anyqtaldy. Oǵan qatysty usaq buzaqylyq deregi boıynsha ákimshiliki hattama toltyryldy», - dep habarlady qalalyq polıtsııa departamentiniń baspasóz qyzmeti.