Almatyda qarttar aılyǵy qalaı ótedi
ALMATY. KAZINFORM - Almatyda Halyqaralyq qarttar kúnin merekeleý aıasynda qarttar aılyǵy ótedi. Qarttar aılyǵy aıasynda Almaty qalasynyń belsendi uzaq ómir súrý ortalyǵy zeınetkerlerge, ıaǵnı ortalyq qyzmet alýshylaryna arnalǵan birqatar iri is-shara uıymdastyrady.
1 qazan kúni saǵat 11.00-de Qarttar aılyǵynyń ashylýyna oraı Tuńǵysh Prezıdent saıabaǵynyń aldynda 300-den astam adam qatysqan skandınavııalyq serýendeý festıvali ótedi. Baǵdarlamada jappaı flesh-mob, skandınavııalyq serýendeý boıynsha komandalardyń kórsetilimderi, shyǵarmashylyq nómirler bar. Festıvalge Almaty qalasynyń Belsendi uzaq ómir súrý ortalyǵy men Alataý, Bostandyq, Áýezov, Jetisý, Naýryzbaı jáne basqa da aýdandardyń komandalary qatysady.
1-4 qazan aralyǵynda Almaty qalasynyń tarıhı mýzeıinde zeınetkerlerdiń shyǵarmashylyq jumystarynyń kórmesi ótedi. Kórmege 20-dan astam qyzmet alýshylardyń 90 jumysy qoıylady.
4 qazan saǵat 11:00-de Avat aýylynda «Egin merekesi» atty kóshpeli is-shara ótedi. Onda zeınetkerler kontserti, eseli eńbegi jáne «Agrokraýdsorsıng» belsendi qatysýshylarynyń mol ónimderi úshin marapattaý rásimi, sondaı-aq «Tabıǵat syıy» kórmesi uıymdastyrylady.
10 qazanda saǵat 14:00-de «Asyl qazynam» uzaq ómir súrý festıvali ótedi. Baǵdarlamada shyǵarmashylyq qoıylymdar, fleshmobtar, defıle, sheberlik dáristeri, dombyra orkestri jáne sporttyq kórsetilimder, zeınetkerlerdiń shyǵarmashylyq jumystar kórmesi bolady. Festıval Abylaı han kóshesi, 83 mekenjaıyndaǵy «Qazaqkontsert» ǵımaratynda ótedi.
18 qazanda saǵat 11:00-de Atakentte Belsendi uzaq ómir súrý ortalyǵy zeınetkerleri qoldan jasaǵan qolóner buıymdarynyń kórme-jármeńkesi ótedi.
30 qazan saǵat 14:00-de Qarttar aılyǵy «Meniń jyldarym – meniń baılyǵym» atty balymen saltanatty túrde jabylady. 200-250 adam qatysatyn bal ál-Farabı atyndaǵy QazUÝ-de ótedi.
Buǵan qosa, Almaty qalasynyń Belsendi uzaq ómir súrý ortalyǵynda Respýblıka kúnine oraı kontsertter men keshter ótedi:
- 22 qazan saǵat 15:00-de Tóle bı, 24v mekenjaıyndaǵy Medeý bólimshesi «Kók týdyń jelbiregeni» atty poezııa keshin ótkizedi.
- 23 qazanda, saǵat 12:00-de Máýlenov kóshesi, 46a mekenjaıyndaǵy ortalyqta Respýblıka kúnimen Qarttar aılyǵyna arnalǵan saltanatty is-shara ótedi.
- 24 qazanda, saǵat 11:00-de Seıfýllın dańǵyly, 597 mekenjaıyndaǵy Bostandyq bólimshesi Respýblıka kúni men Qarttar aılyǵyna arnalǵan «Qarttarym – asyl qazynam» atty kontsert ótkizip, aǵa býyn ókilderi qarttarǵa quttyqtap, sóz sóıleıdi.
Aıta ketken jón, Almaty qalasynyń Belsendi uzaq ómir súrý ortalyǵy qart adamdarǵa densaýlyqty qoldaý, qolaıly orta qurý jáne aǵa býyn ókilderiniń ómir súrý sapasyn arttyrý boıynsha kómek kórsetýge baǵyttalǵan. Bıyl ortalyqta jáne onyń bólimshelerinde 4899 zeınetker tirkelip, olarǵa 179 988 qyzmet kórsetilgen. Ortalyqqa kúnine orta eseppen 512 adam keledi. 8 baǵyt boıynsha 40-tan astam áleýmettik qyzmet túri kórsetiledi. Belsendi uzaqómir súrý ortalyǵynyń bas keńsesi Almaty qalasy, Máýlenov kóshesi, 46a mekenjaıynda ornalasqan.
Eske salaıyq, buǵan deıin Almatyda «Altyn jas» baǵdarlamasymen 355 zeınetker jumysqa ornalasqanyn jazǵanbyz.
