Almatyda kartıng kólikterimen kóshege shyqqan júrgizýshiler toby jazalandy
ALMATY. KAZINFORM — Almatyda bir top azamat kartıngke arnalǵan sport kólikterimen kóshege shyqty.
Olar «Medeý» muz aıdynyna aparatyn jolda jarys uıymdastyrmaq bolǵan. Almaty qalasynyń polıtsııa departamenti quqyq buzýshylar anyqtalyp, jaýapkershilikke tartylǵanyn málimdedi.
— Tekserý nátıjesinde oqıǵaǵa qatysqan barlyq azamattyń jeke basy jedel túrde anyqtaldy. Jol qozǵalysy qaǵıdalaryn buzǵany úshin 4 azamat ákimshilik jaýapkershilikke tartyldy. Barlyq sport kólikteri mamandandyrylǵan aıyppul turaǵyna qoıyldy, — dep habarlady departamentten.
Sonymen qatar Almaty polıtsııasy ortaq paıdalanýǵa arnalǵan avtomobıl joldaryna sporttyq tehnıkanyń shyǵýyna bolmaıtynyn eske saldy.
— Mundaı áreketter jol qozǵalysy qaýipsizdigine qaýip tóndirip, zańnamaǵa sáıkes jaýapkershilikke ákep soǵady, — dep atap ótti polıtsııadan.
Eske salaıyq, Almatyda bıyl 42 júk kóligi aıyppul turaǵyna qoıyldy.
