Almatyda qar jaýyp, kommýnaldyq qyzmet jumysy kúsheıtildi
ALMATY. KAZINFORM – Almatyda kommýnaldyq qyzmet qala kósheleri men jol tazalaý, sondaı-aq kóktaıǵaqtyń aldyn alý jumystaryn kúsheıtti.
Almaty ákimdiginiń málimetinshe, turǵyndardyń qaýipsizdigin qamtamasyz etý úshin jol boıy men júrginshiler aımaqtarynyń jaǵdaıy turaqty baqylaýǵa alynǵan.
Qazir qala tazalyǵyn qamtamasyz etýge 3250 jumysshy men 1225 arnaıy tehnıka jumyldyrylǵan. Aýa raıy qolaısyz bolǵan jaǵdaıda qosymsha 612 arnaıy tehnıka men 590 jumysshy tartylmaq. Odan bólek 200 jol mashınasy da jumysqa kirisedi.
- «Qazgıdromet» málimetinshe, 16 qarashada kúndiz Almatyda jaýyn-shashyn joq. Aýa temperatýrasy +2…+4 gradýs shamasynda bolady. Qalanyń kommýnaldyq qyzmeti aýa raıyn turaqty baqylap, joldaǵy qaýipsizdikti qamtamasyz etý jumystaryn jalǵastyryp jatyr, - dep habarlady ákimdikten.
Eske salaıyq, ótken apta Almatyda tolassyz jańbyrdan keıin jaqynda jóndelgen joldar zaqymdanǵanyn jazǵanbyz.