17:15, 01 Qazan 2025 | GMT +5
Almatyda qar jaýdy
ALMATY. KAZINFORM – Almatyǵa qar tústi. Búgin, 1 qazanda Almatyda kún bultty ári jańbyrly boldy, al qalanyń taý bókterine qar jaýdy.
Qala turǵyndary áleýmettik jelilerde Medeý, Kóktóbe jáne taýǵa jaqyn aýdandardan túsirilgen vıdeolardy bólisip jatyr. Onda taý betkeılerin qar japqanyn kórýge bolady.
Sınoptıkterdiń málimetinshe, búgin Almatyda aýa temperatýrasy +6…+7 gradýsqa deıin tómendegen.
Qala turǵyndaryna 2 qazanda da nóser jańbyr jaýatyny týraly habarlama keldi.
Eske salaıyq, 2024 jyly Almatyda alǵashqy qar 16 qazanda jaýǵan edi.