Almatyda qar kóshkini saldarynan bir adam qaza taýyp, eki adam jaraqat aldy

ALMATY. KAZINFORM — Almaty taýlarynda qar kóshkini júrdi.

Almaty qalasy TJD málimetinshe, 112 pýltine «Shymbulaq» taý-shańǵy kýrortynyń dıspetcherinen Komsomol shyńy mańynda qar kóshkini bolǵany týraly habarlama kelip túsken.
Naqtylanǵan aqparat boıynsha, 3 adam «Shymbulaq» kýrortynan 1 km qashyqtyqta tyıym salynǵan jerde syrǵanaǵan.

— Shańǵymen syrǵanaý kezinde úsh adam kólbeýdi kesip, qar kóshkini júrýine sebep boldy. Nátıjesinde úsheýi de úıindi astynda qaldy. Ekeýi óz betinshe shyǵa aldy, úshinshi adamnyń jansyz máıitin «Shymbulaq» qutqarýshylary qar astynan alyp shyqty, — dep habarlady qalalyq TJD.

Eske salaıyq, buǵan deıin Shymbulaqta qar kóshkini bolǵanyn jazǵanbyz.

Sondaı-aq qar kóshkinine sebepker bolǵan shańǵyshylardyń jazaǵa tartylýy týraly jazǵan edik.